SENTINDO EN FEMININO
"Preparar para a vida facendo vivir" (Rosa e Carolina Agazzi)
MÁIS SOBRE NÓS
Rosa Suárez Veiga
Mestra de Educación Infantil
e Psicopedagoga
Nai e mestra que se asombra e desfruta co seu traballo.
Muller que pretende ser guía e estímulo das aprendizaxes do seu alumnado.
Con experiencia na formación de educadoras/es e compartindo dende hai máis de vinte anos o día a día con nenas e nenos de 0 a 6 anos.
Fátima Rodríguez Eiroa
Mestra de Educación Infantil
e Pedagoga
Mestra, nai, aprendiz eterna, organizadora compulsiva e ante todo, muller en proceso de construción.
Amante da fotografía, furgoneteira e apaixoada das viaxes.
Con case unha década de vivencias en centros rurais e dous anos como mestra visitante en Estados Unidos.
Tras algúns anos como docentes en diferentes escolas, no curso 2016-17 coincidimos no CEIP de Prácticas López Ferreiro (Santiago de Compostela) e por casualidades destas que ocorren de cando en vez, tivemos a oportunidade de traballar no mesmo nivel educativo.
Os cambios nunca son sinxelos, sobretodo cando van asociados a centros urbanos con aulas masificadas, pero por sorte a nosa visión da educación seguía liñas paralelas. Así, pasiño a pasiño, fomos dando forma a isto ao que agora chamamos "sentindo en feminino".